SOO NO' SE DI', SOO NO' SE FA

   Soo nò se dì, soo nò se fa.       

 

    Incoeu, soo nò se dì, soo nò se fà.

    

     Se andà a spass ò cicciarà.

     Andà al cinema ò a ballà

     E stoo in cà de per mì, come on bamba che...

     Sa nò se dì, sa nò se fà.

    

     Spetti ona telefonada per podè cicciarà.

     Quasi, quasi ciappi el tramm e voo in piazza

     E guardi la television, come on bamba che...

     Sa nò se dì, sa nò se fà.  

    

     Quasi,quasi, voo da mia sorèlla.

     O’ dal Paolo el mee amis che fà teater

     E voo ingir per la cà, come on bamba che ...

     Sa nò se dì, sa nò se fà.

    

     Quasi,quasi, voo a fà on girètt.

     O’ telefoni a ona morosà de tanti ann fà.

     Intant, pensi còsa fà, come on bambà che...

     Sa nò se dì, sa nò se fà.

    

     Quasi, quasi,voo dall'Ennio à giugà a i cart.

     O’ da la Titti, la mia vesina per fà ona cicciaradina.

     Me indormenti, nel pensà,come on bamba che...

     Sa nò se dì, sa nò se fà.

 

 

NONNO BERTO